其實「賤man震」件事發展咁耐，不如大家比件事由時間沖淡啦。

講真，睇住成件事既發展，真係幾戲劇性。由開始發展，到而家差唔多尾聲，其實就真係幾令人意外。好多人都討論成件事係邊個著邊個唔著。其實我就覺得愛情上佢地唔係錯，錯既係時間同人物上既錯配。

好多人都話「才子」唔岩又成，一大段段文誅筆伐，香港人就係呢一件事正義左。其實，係度其實有幾多個名人無偷食過？有幾多名人無「多線發展」？件事發展成咁，都因為周慧敏。邊個叫佢有樣、有身材、有錢，最重要係有品。就係咁，大家都好關心佢得唔得到幸福。但最無奈係佢千選萬選，就係選左個花弗才子。

我成日都覺得花弗無罪魁（唔代表我會做），咩sp、ons，ＯＫ！你搵一個共同目的既對手，你情我願，唔會傷害到人，開心過就得。但係倪生你要玩，你搵第２個丫！你好追唔追，追一個深情萬人迷Vivian。呢Ｄ我會覺得係人物上既錯配。

係時間上，而家倪生玩夠，黎個結婚。對於浪子黎講，的確係一個犠牲。但係你玩夠先搵周慧敏丫！由開始到而家，才子都同Vivian分過幾次，不如玩夠先搵人啦。

講真，Vivian同「才子」結婚，起碼都算有個過得去既好結局，但係張茆呢？佢係今次係一個大輸家。輸左學業，輸左面子，輸左感情。講真佢黎左香無幾耐，有機會佢真係唔知倪震係邊個，佢付出既都會係真感情。係所有方面佢真係輸得好慘。

而家張茆透過律師發表左聲明，而Vivian又結婚，我諗件事真係可以係婚禮進行曲之中劃上句號。

＊＊＊＊＊＊＊＊＊＊＊＊＊＊＊＊＊

付上近日相片：
２４號的野食～！

聖誕烤雞

炸蝦卷