最近睇返一套漫畫，叫《二人性世界》OR 《夫妻成長日記》。
我本來諗緊打唔打呢篇好，但係我覺得係日記中要忠於自己‧加上我覺得一個男仔睇成人刊物實屬平常。我本來打算想打「相信好多男仔都知道呢本書」，但諗深一層，我總唔可以作呢個假設吧。
呢本名符其實係一本成人漫畫，咁當然有不少18+既內容。佢內在既畫功當然係吸引我既其中一個原因啦。但我覺得最好睇既係佢當中所提及既性知識及統計。我唔知佢所引述既統計係點計出黎，但係我覺得都可以作為一個參考指數。
最難得係，佢唔似一般坊間既同類刊物，一味係不斷發生既性行為，一味著重令人滿足既畫面。佢反而係嘗試用正面既角度去探討兩性問題，當中都有提及婚外情、生育等。
我往後會放漫畫中一D有趣既截圖，以作本人的備份及討論，希望可以主觀地談論性文化。
